Новости обителиПолиелей преподобному Мартирию Зеленецкому
Родом из Великих Лук, Псковской губернии, святой с юных лет подвизался в Великолуцкой Сергиевой обители. Желая уединенных подвигов, он поселился на острове Зеленом и основал там монастырь. Преподобный Мартирий прославился даром чудотворения. Скончался он в глубокой старости в 1603 г.
Тропарь, глас 2:
От ю́ности, Богоблаже́нне, Христа́ возлюби́в, / оте́чество оста́вил еси́ / и, всех мирски́х мяте́жей уклони́вся, / в ти́хое приста́нище пречестны́я оби́тели Богома́терни дости́гл еси́; / отню́дуже уве́дев непрохо́дную пусты́ню, / крестови́дною заре́ю пока́занную, / жела́тельне ю́ обре́л еси́, / и, в ней всели́вся, / и́ночествующих собра́л еси́, / и сих уче́ньми свои́ми, я́ко ле́ствицею восхо́дною на Не́бо, / трудолю́бно тща́лся еси́ возводи́ти к Бо́гу, / Ему́же моли́ся, Богому́дре Марти́рие, // дарова́ти душа́м на́шим ве́лию ми́лость.
Кондак, глас 8:
Оте́чества, преподо́бне, и всего́ мирска́го мяте́жа уклони́тися возжеле́л еси́, / и, в пусты́ню всели́вся, / та́мо во блаже́ннем безмо́лвии жесто́кое житие́ показа́л еси́, / и ча́да послуша́ния и смире́ния в нем возрасти́л еси́. / Сего́ ра́ди, дерзнове́ние стяжа́в ко Святе́й Тро́ице, / е́же моли́тися, Богоблаже́нне, о нас, ча́дех свои́х, и́хже собра́л еси́, / и о всех правове́рных, да зове́м ти: // ра́дуйся, о́тче Марти́рие, безмо́лвия пусты́ннаго люби́тель.
Смотрите также
Актуальное
